Според Бахаи книгите, сите религии имаат исто божествено потекло. Намерата на верските основачи отсекогаш била да се промовира благосостојбата на поединецот и на заедницата. Тие сакале да поттикнат мир и хармонија, не да предизвикаат војна или омраза. Визијата на Бахаула за решавање на актуелните предизвици ги вклучува основните принципи за постигање на мир во светот. Тој го гледа целото човештво како еден, обединет организам.

Бахаи Религијата е основана од Бахаула (Bahá‘u‘lláh, 1817-1892). Како син на благородник, Персиски државен министер, тој согласно традицијата можел да води луксузен живот со статус на световна моќ. Но тој се откажал од тоа, за живот во служење. Во 1863 Бахаула ја објавил неговата порака, дека е Гласник на Бога за ова време, како што биле Исус и Мухамед во нивно време.